នាយសេនាធិការរង តំបន់ប្រតិបត្តិការសឹករងបន្ទាយមានជ័យ អញ្ជើញដឹកនាំធ្វើលំហាត់យុទ្ធដំណើរទ័ព

នាយសេនាធិការរង តំបន់ប្រតិបត្តិការសឹករងបន្ទាយមានជ័យ អញ្ជើញដឹកនាំធ្វើលំហាត់យុទ្ធដំណើរទ័ព

ខេត្តបន្ទាយមានជ័យ៖ ថ្ងៃទី២៩ ខែមីនា ឆ្នាំ២០២៤ អនុវត្តតាមការណែនាំរបស់ឧត្តមសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិការសឹករងបន្ទាយមានជ័យ វរសេនីយ៍ទោ វិញ ស៊ីដូ នាយរងសេនាធិការ បានអញ្ជើញដឹកនាំនាយទាហាន នាយទាហានរង ពលទាហាន ធ្វើលំហាត់យុទ្ធដំណើរទ័ពស្ថិតក្នុងភូមិសាស្រ្តក្រុងសិរីសោភ័ណ ។

នាយសេនាធិការរង បានលើកឡើងថា ស្ថិតក្នុងស្ថានភាពដែលប្រទេសជាតិមានសុខសន្តិភាព ស្ថិរភាពនយោបាយគឺជាឱកាសសម្រាប់កងទ័ពធ្វើការហ្វឹកហ្វឺនពង្រឹងសមត្ថភាពដើម្បីធានាបាននូវការអនុវត្តតួនាទី ភារកិច្ចទទួលបានជោគជ័យតាមបទបញ្ជារបស់ថ្នាក់លើ ។ ការធ្វើលំហាត់យុទ្ធដំណើរនាពេលនេះ ចម្ងាយ ១៦ គីឡូម៉ែត្រ គឺដើម្បីឱ្យនាយទាហាន នាយទាហានរង ពលទាហាន ទទួលបាននូវចំណេះដឹង និងមានសមត្ថភាពគ្រប់គ្រាន់ក្នុងការដឹកនាំបញ្ជា ត្រៀមប្រយុទ្ធ ប្រយុទ្ធ បានស្ទាត់ជំនាញដើម្បីធានាបាននូវភារកិច្ចការពារជាតិមាតុភូមិ និងប្រជាជន ៕