មេបញ្ជាការ កងពលធំអន្តរាគមន៍លេខ៣ ចុះត្រួតពិនិត្យ និងសាកសួរសុខទុក្ខ ដល់នាយទាហាន និងពលទាហាន ដែលកំពុងឈរជើង តាមបណ្តោយខ្សែបន្ទាត់ព្រំដែនកម្ពុជា-ឡាវ

មេបញ្ជាការ កងពលធំអន្តរាគមន៍លេខ៣ ចុះត្រួតពិនិត្យ និងសាកសួរសុខទុក្ខ ដល់នាយទាហាន និងពលទាហាន ដែលកំពុងឈរជើង តាមបណ្តោយខ្សែបន្ទាត់ព្រំដែនកម្ពុជា-ឡាវ

មុំបី៖ នៅព្រឹកថ្ងៃ៧ ខែមីនា ឆ្នាំ២០២៤ ឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរង កងទ័ពជើងគោក មេបញ្ជាការកងពលធំអន្តរាគមន៍លេខ៣ អមដំណើរដោយ ឧត្តមសេនីយទោ ដួង ច័ន្ទ មេបញ្ជាការ កងពលតូចអន្តរាគមន៍លេខ៩ ព្រមទាំងឯកឧត្តម មេបញ្ជាការ មេបញ្ជាការរង នាយ និងពលជាច្រើនរូប ក្នុងដំណើរចុះត្រួតពិនិត្យ និងសាកសួរសុខទុក្ខ ដល់នាយទាហាន នាយហានរង និងពលទាហាន ដែលកំពុងឈរជើងការពារបូរណភាពទឹកដី នៅតាមបណ្តោយខ្សែបន្ទាត់ព្រំដែនកម្ពុជា-ឡាវ។

ឧត្តមសេនីយ៍ឯក ស្រី ឌឹក បានធ្វើការណែនាំទៅដល់អង្គភាពទាំងអស់ចំណុះដែលកំពុងមានកត្តព្វកិច្ចឈរជើង នៅតាមបណ្តោយព្រំដែនកម្ពុជា-ឡាវ ក្នុងភូមិសាស្ត្រមុំបី និងក្រើនរំលឹកលើការងារកសាងពង្រឹងប្រៀបការពារជាតិ គ្រប់គ្រងកសាងកម្លាំង និងត្រូវបន្តយកចិត្តទុកដាក់ឲ្យបានម៉ឺងម៉ាត់នូវរាល់បទបញ្ជាដែលថ្នាក់ប្រគល់ឲ្យ ត្រូវជាម្ចាស់ការត្រួតពិនិត្យ និងតាមដានឲ្យបានជាប់ជាប្រចាំនូវសភាពការណ៍សន្តិសុខព្រំដែន និងអនុវត្តឲ្យបានខ្ជាប់ខ្ជួន នូវកត្តព្វកិច្ច ភារកិច្ចរបស់ខ្លួនឲ្យមានប្រសិទ្ធភាពខ្ពស់ក្នុងភាពជាអ្នកដឹកនាំ ដើម្បីធានាការពារឲ្យបាននូវបូរណភាពទឹកដី និងទប់ស្កាត់ឲ្យបាននូវរាល់បទល្មើសឈ្លានពានផ្សេងៗ និងខិតខំបន្តកសាងខ្សែបន្ទាត់ព្រំដែន ជាមួយប្រទេសជិតខាង ឲ្យទៅជាខ្សែព្រំដែនសន្តិភាព មិត្តភាព សហប្រតិបត្តិការល្អ ជាមួយប្រទេសជិតខាងប្រកបដោយសន្តិវិធី។