មេបញ្ជាការយោធភូមិភាគទី៣ បានអញ្ជើញចុះពិនិត្យការងារ និងសាកសួរសុខទុក្ខកងកម្លាំងកងវរសេនាតូចលេខ៣៣៧ តំបន់ប្រតិបត្តិការសឹករងកោះកុង

ខេត្តកោះកុង ៖ ថ្ងៃសៅរ៍ទី០៣ ខែឧសភា ឆ្នាំ២០២៥ ឯកឧត្តម ឧត្តមសេនីយ៍ទោ អ៊ុយ ហៀង មេបញ្ជាការយោធភូមិភាគទី៣ និងនាយទាហានជាច្រើនរូបបានអញ្ជើញចុះសាកសួរសុខទុក្ខដល់យោធិន និងត្រួតពិនិត្យទីតាំង ភូមិសាស្រ្តតាមបណ្តាចំណុច ដែលកំពុងឈរជើងការពារតាមខ្សែបន្ទាត់ព្រំដែន កម្ពុជា-ថៃ នៃអង្គភាពវរសេនាតូចលេខ៣៣៧ តំបន់ប្រតិបត្តិការសឹករងកោះកុង ។

ឆ្លៀតយកឱកាសនោះដែរឧត្តមសេនីយ៍ទោ អ៊ុយ ហៀង បានដាក់ចេញនូវបទបញ្ជាការដល់កម្លាំងគ្រប់រូបត្រូវខិតខំហ្វឹកហ្វឺនពង្រឹងសមត្ថភាព កសាងជំរកស្នាក់នៅ បង្កបង្កើនផល ដើម្បីពង្រឹងប្រៀបការពារជាតិ អនុវត្តអោយបានម៉ឺងម៉ាត់ តាមបទបញ្ជារបស់ថ្នាក់លើ ហើយត្រូវប្តេជ្ញាខ្ពស់ការពារបូរណភាពដែនដី ការពារជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់ និងសហការជាមួយភាគីមិត្តធ្វើឲ្យតំបន់ព្រំដែនជាព្រំដែនសន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍ ។

ឯកឧត្តម ឧត្តមសេនីយ៍ទោ អ៊ុយ ហៀង មេបញ្ជាការ យោធភូមិភាគ ទី៣ បានប្រគល់អំណោយ ដ៏ថ្លៃថ្លារបស់សម្តេច មហាបវរធិបតី នាយករដ្ឋមន្រ្តី នៃព្រះរាជាណាចក្រកម្ពុជា មានកំព្យូទ័រលេីតុ ០១គ្រឿង ម៉ាសុីនព្រីន្ទA3 ០១គ្រឿង GPS ០១គ្រឿង ជូនដល់វរសេនាតូច៣៣៧ តំបន់ប្រតិបត្តិការសឹករងកោះកុង ៕