កងពលតូចថ្មើរជើងលេខ៥១ ផ្សព្វផ្សាយអប់រំចិត្តសាស្រ្ត សភាពការណ៍ថ្មីៗ ឆ្នាំ២០២៥
- ការពារជាតិព័ត៌មានជាតិព័ត៌មានផ្សេងៗ
- May 3, 2025
ខេត្តបន្ទាយមានជ័យ៖ ថ្ងៃសុក្រ ទី២ ខែឧសភា ឆ្នាំ២០២៥ នៅទីបញ្ជាការ កងពលតូចថ្មើរជើងលេខ៥១ បានធ្វើការផ្សព្វផ្សាយអប់រំចិត្តសាស្រ្ត សភាពការណ៍ថ្មីៗ ក្រោមអធិបតីភាព លោកវរសេនីយ៍ឯក យ៉ែម ឡុម មេបញ្ជាការរង ជូននាយ-ពលទាហាន និងគ្រប់បណ្តាវរសេនាតូចចំណុះ ធ្វើការផ្សព្វផ្សាយផងដែរ ។
បានអប់រំឲ្យយល់ដឹងអំពីគ្រោះថ្នាក់គ្រឿងញៀន ច្បាប់ចរាចរផ្លូវគោក និងផ្សព្វផ្សាយអំពី នយោបាយសង្រ្គាមចិត្តសាស្រ្ត បានលើកឡើងពីសារៈសំខាន់ ដែលកងទ័ពទាំងអស់ត្រូវយកចិត្តទុកដាក់លើការងារសតិអារម្មណ៍ ស្មារតីស្នេហាជាតិ មាតុភូមិ និងប្រជាជន ។ រក្សាសន្តិភាព ស្ថិរភាព ស្មោះត្រង់ដាច់ខាតឥតងាករ៉េ ជាមួយរាជរដ្ឋាភិបាលគ្រប់តំណាក់កាល វាយបកបានទាន់ពេលវេលានូវព័ត៌មានបំភ្លើសបំភ្លៃមូលបង្កាច់លាបពណ៌តាមបណ្ដាញសង្គម។ គោរពវិន័យ ក្រមសីលធម៌កងយោធពលខេមរភូមិ ប្រកាន់ភ្ជាប់នូវតួនាទីភារកិច្ច ពង្រឹងសណ្ដាប់ធ្នាប់ បទវិន័យទូទៅ អនុវត្តគោរពបទបញ្ជាតាមឋានានុក្រម។
