កងពលតូចដឹកជញ្ជូនលេខ៩០ កងទ័ពជើងគោក កំពុងស្ថាបនាផ្លូវបេតុងមួយខ្សែ នៅទីបញ្ជាការកងពល

កងពលតូចដឹកជញ្ជូនលេខ៩០ កងទ័ពជើងគោក កំពុងស្ថាបនាផ្លូវបេតុងមួយខ្សែ នៅទីបញ្ជាការកងពល

ខេត្តកំពង់ស្ពឺ ៖ នៅថ្ងៃទី២៣ ខែមេសា ឆ្នាំ២០២៤ ឯកឧត្តម ឧត្តមសេនីយ៍ទោ ឈរ សុខ នាយសេនាធិការរងកងទ័ពជើងគោក មេបញ្ជាការកងពលតូចដឹកជញ្ជូនលេខ៩០ បានដាក់បទបញ្ជាជូនឧត្តមសេនីយ៍ត្រី អោម សុខេន នាយសេនាធិការកងពល ដឹកនាំកងកម្លាំងក្នុងកងពល ដើម្បីស្ថាបនាផ្លូវបេតុងមួយខ្សែដែលមានប្រវែង២៥០ម៉ែត្រx៨ម៉ែត្រxកំរាស់០,១៥ម៉ែត្រ ដែលស្ថិតនៅទីបញ្ជាការកងពលតូចដឹកជញ្ជូនលេខ៩០(ក្ដាន់រយ) ការសាងសង់ផ្លូវបេតុងនេះកងពលប្រើប្រាស់កម្លាំង នាយទាហាន នាយទាហានរង និងពលទាហាន របស់កងពលតូចដឹកជញ្ជូនលេខ៩០។
ឧត្តមសេនីយ៍ត្រី អោម សុខេន បាននាំយកនូវពាក្យផ្ដាំផ្ញើរ របស់មេបញ្ជាការកងពល បញ្ជាក់ថាផ្លូវបេតុងនេះ គឺបង្កើននូវសោភ័ណភាព និងមានកាងាយស្រួលដល់រថយន្តចេញចូលក្នុងអង្គភាព ។

នាយទាហាន នាយទាហានរង និងពលទាហានទូទាំងកងពលតូចដឹកជញ្ជូនលេខ៩០ បានយកចិត្តទុកដាក់អនុវត្តការងារមិនខ្លាចនឿយហត់ ដើម្បីសម្រេចឱ្យបានជោគជ័យនៅផែនការដែលឯកឧត្តមមេបញ្ជាការប្រគល់ជូន ព្រោះផ្លូវនេះជាសមិទ្ធផលរបស់អង្គភាព ហើយក៏ជាការរីកចម្រើនមួយកម្រិតទៀតរបស់អង្គភាពផងដែរ។