កងពលតូចអន្តរាគមន៍លេខ១២៨ យោធភូមិភាគទី១ បន្តយកចិត្តទុកដាក់អនុវត្តន៍តាមគោលការ ៥ខ្លឹមសារប្រឡងប្រណាំង ដើម្បីលើកស្ទួយកម្រិតជីវភាពបន្ថែមរបស់កងទ័ព

ខេត្តស្ទឹងត្រែង ៖ អនុវត្តន៍ផែនការរបស់លោកឧត្តមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ ពិសេសអនុវត្តន៍តាមគោលការ ៥ខ្លឹមសារប្រឡងប្រណាំងក្នុងការលើកស្ទួយកម្រិតជីវភាពបន្ថែមរបស់កងទ័ព ការចិញ្ចឹមទ័ព និងលើការងារកសាងអង្គភាពរឹងមាំលើគ្រប់វិស័យ បណ្ដាសាខាប្រឡងប្រណាំងបញ្ជាការដ្ឋានកងពល និងវរសេនាតូចចំណុះទាំង៥ បានបន្តយកចិត្តទុកដាក់អនុវត្តន៍តាមគោលការ ៥ខ្លឹមសារប្រឡងប្រណាំង និងផែនការរបស់មេបញ្ជាការកងពល លើការងារកសាងអង្គភាព បង្កបង្កើនផល និងចិញ្ចឹមសត្វ ដើម្បីលើកកម្ពស់កម្រិតជីវភាពកងទ័ព ឲ្យកាន់តែប្រសើរឡើងមួយកម្រិតថែមទៀត។

ក្រោមការដឹកនាំ ចង្អុលបង្ហាញរបស់លោកឧត្តមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ បានលើកកម្ពស់ស្មារតី ដល់នាយទាហាន នាយទាហានរង និងពលទាហានទាំងអស់ក្នុងកងពលតូចអន្តរាគមន៍លេខ១២៨ យោធភូមិភាគទី១ អនុវត្តន៍នូវបទបញ្ជា សេចក្តីណែនាំ និងផែនការរបស់ថ្នាក់លើ ទទួលបានលទ្ធផលល្អប្រសើរ ។

លោកមេបញ្ជាការកងពល បានបញ្ជាក់ថា ក្រៅពីការងារចឹញ្ចឹមទ័ពបានល្អភារកិច្ចស្នូល របស់នាយទាហាន នាយទាហានរង និងពលទាហាន គ្រប់បណ្តាកងឯកភាពចំណុះកងពលតូចអន្តរាគមន៍លេខ១២៨ ត្រូវមានភារកិច្ចការពារបូរណភាពទឹកដី និងល្បាតក្នុងភូមិសាស្ត្រទទួលខុសត្រូវ ត្រៀមប្រយុទ្ធ និងសហការជាមួយអជ្ញាធរមូលដ្ឋាន ។ល។