យោធភូមិភាគពិសេស បានប្រារព្ធពិធីផ្សព្វផ្សាយលទ្ធផលសកម្មភាពការងារយោធាសន្តិសុខ ឆ្នាំ២០២៣ និងផែនការការងារយោធាសន្តិសុខឆ្នាំ២០២៤

យោធភូមិភាគពិសេស បានប្រារព្ធពិធីផ្សព្វផ្សាយលទ្ធផលសកម្មភាពការងារយោធាសន្តិសុខ ឆ្នាំ២០២៣ និងផែនការការងារយោធាសន្តិសុខឆ្នាំ២០២៤

ភ្នំពេញ​៖​ ព្រឹកថ្ងៃទី ២៩ខែកុម្ភៈ ឆ្នាំ ២០២៤ យោធភូមិភាគពិសេស ឯកឧត្តម ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោកមេបញ្ជាការយោធភូមិភាគពិសេស តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក អញ្ជើញជាអធិបតីភាពក្នងពិធីផ្សព្វផ្សាយលទ្ធផលការងារយោធាសន្តិសុខឆ្នាំ២០២៣ និងផែនការ ការងារយោធាសន្តិសុខឆ្ឆ្នាំ២០២៤ ។
ក្នុងពិធីនេះ ឯកឧត្តម មេបញ្ជាការបានមានប្រសាសន៍ថា យោធភូមិភាគពិសេស នៅតែបន្តរឹតបន្តឹងការពារជំងឺកូវីដ-១៩ មុនពេលចូលក្នុងពីធីត្រូវតែធ្វើតេស្ត បន្តការបាញ់អាល់កុល វាស់​កម្តៅ និងពាក់ម៉ាស ជាពិសេស​ត្រូវតែអនុវត្ត របស់រាជរដ្ឋាភិបាលគឺ៖ ៣កុំ ៣ការពារ ឱ្យបានជាប់ជាប្រចាំ ដើម្បីសម្រេចការងារ​ទទួលបានលទ្ធផល និងសមិទ្ធផល គឺកើតចេញពីការសហការរួមគ្នារបស់យោធិនយើងទាំងអស់គ្នា ខិតខំអស់ពីកម្លាំងកាយ ប្រាជ្ញាស្មារតី ក្នុងការបំពេញភារកិច្ចដែលរាជរដ្ឋាភិបាល ក្រសួងការពារជាតិ អគ្គបញ្ជាការ និងបញ្ជាការដ្ឋានកងទ័ពជើងគោក បានប្រគល់ឲ្យដើម្បីរួមគ្នាពិនិត្យវាយតម្លៃលើសភាពការណ៍ទូទៅ និងលើការដកពិសោធន៍ការងារកន្លងមក ក៏ដូចជាកំណត់អំពីទិសដៅវិធានការនានា។

ទន្ទឹមនឹងនេះ​ ឯកឧត្តម មេបញ្ជាការ ក៏បាន បំពាក់ឋានន្តរសក្តិជូន នាយទាហាន នាយទាហានរង និងលេីកទឹកចិត្តជូន ប័ណ្ណសរសេីរ​ លិខិតសរសើរ ទង់ជ័យលាភី ជូនដល់អង្គភាព​ និងបុគ្គលដែលមានស្នាដៃក្នុងចលនាប្រឡងប្រណាំង ឆ្នាំ២០២៣ ។

ជាចុងបញ្ចប់ ឯកឧត្តម មេបញ្ជាការ បានថ្លែងអំណរគុណ​ ​ដល់នាយកដ្ឋានភស្តុភាហិរញ្ញវត្ថុក្រសួងការពារជាតិដែលបានផ្ដល់ជារៀងរាល់ឆ្នាំ ដូចជា ប័ណ្ណសរសើរ លិខិតសរសើរ មេគោនិងគ្រាប់ពូជជាច្រើនមុខទៀត ។

ក្នុងនោះឯកឧត្តមក៏បានកោតសរសើរចំពោះយោធិនដែលបំពេញការងារទទួលបានលទ្ធផលល្អ និងជោគជ័យគ្រប់ភារកិច្ច ដែលអង្គភាពបានប្រគល់ជូនទៀតផង ៕