នាយសេនាធិការ មេបញ្ជាការរង បញ្ជាការដ្ឋាន វិស្វកម្ម អញ្ជើញផ្សព្វផ្សាយអំពីបញ្ហាគ្រឿងញៀន និងបន្តខិតខំការងារបង្ករបង្កេីនផលដាំដុះក្នុងអង្គភាព ដល់នាយ-ពលទាហាន ក្នុងទីបញ្ជាការដ្ឋាន វិស្វកម្មកងទ័ពជេីងគោក
- ការពារជាតិ
- February 28, 2024
នាយសេនាធិការ មេបញ្ជាការរង បញ្ជាការដ្ឋាន វិស្វកម្ម អញ្ជើញផ្សព្វផ្សាយអំពីបញ្ហាគ្រឿងញៀន និងបន្តខិតខំការងារបង្ករបង្កេីនផលដាំដុះក្នុងអង្គភាព ដល់នាយ-ពលទាហាន ក្នុងទីបញ្ជាការដ្ឋាន វិស្វកម្មកងទ័ពជេីងគោក
នៅព្រឹកថ្ងៃពុធ ទី២៨ ខែកុម្ភៈ ឆ្នាំ២០២៤ ឧត្តមសេនីយ៍ត្រី ទិត សុជាតិ នាយសេនាធិការ មេបញ្ជាការរង បញ្ជាការដ្ឋានវិស្វកម្ម បានអញ្ជើញផ្សព្វផ្សាយអំពីបញ្ហាគ្រឿងញៀននិងដាស់តឿនក្រេីនរំលឹកដល់នាយ-ពលទាហានទាំងអស់ត្រូវចៀសឆ្ងាយពីគ្រឿងញៀន ព្រោះគ្រឿងញៀនអាចបំផ្លាញជីវិតអ្នក និងក្រុមគ្រួសារ ក៏ជាប៉ះពាល់ដល់សង្គមជាតិផងដែរ។
ឯកឧត្តម នាយសេនាធិការ ថ្លែងអំណរគុណ និងកោតសរសើរដល់ នាយ-ពលទាហាន ទាំងអស់ដែលបានចូលរួមយ៉ាងសកម្ម ក្នុងការបំពេញភារកិច្ចនាពេលកន្លងមក ប្រកបដោយជោគជ័យ និងទទួលបានលទ្ធផលល្អប្រសើរ ។ ឯកឧត្តម មេបញ្ជាការរង បានណែនាំដល់នាយ-ពលទាហាន ទាំងអស់ ត្រូវវខិតខំយកចិត្តទុកដាក់បំពេញភារកិច្ចដែលថ្នាក់លើបានប្រគល់ឲ្យ ឲ្យបានសម្រេចតាមគោលដៅដែលបានកំណត់ ។
ឧត្តមសេនីយ៍ត្រី ទិត សុជាតិ បានក្រើនរំលឹកដល់គ្រប់បណ្ដាកងឯកភាព ព្រមទាំងនាយពលទាហានទាំងអស់ ក្រៅពីភារកិច្ចស្នូលត្រូវខិតខំយកចិត្តទុកដាក់ លើការងារហ្វឹកហ្វឺន អប់រំចិត្តសាស្ត្រ ព្រមទាំងការងារបង្កបង្កើនផល និងចិញ្ចឹមសត្វ ដើម្បីដោះស្រាយជីវភាពកងទ័ព ។
