លោកជំទាវបណ្ឌិតសភាចារ្យរដ្ឋមន្ត្រីទទួលជួបលោកស្រី Catherine Tadros តំណាងរដ្ឋាភិបាលរដ្ឋកេបិចនៃប្រទេសកាណាដាប្រចាំប្រទេសសឹង្ហបុរី

នារសៀលថ្ងៃទី២៩ ខែឧសភា ឆ្នាំ២០២៥ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានទទួលជួបលោកស្រី Catherine Tadros តំណាងរដ្ឋាភិបាលរដ្ឋកេបិចនៃប្រទេសកាណាដាប្រចាំប្រទេសសឹង្ហបុរី ព្រមទាំងសហការីដើម្បីសម្តែងការគួរសម និងពិភាក្សាការងារលើវិស័យវប្បធម៌នៅទីស្តីការក្រសួងវប្បធម៌ និងវិចិត្រសិល្បៈ។
នៅក្នុងកិច្ចជំនួបនាឱកាសនេះ ភាគីទាំងពីរក៏បានលើកឡើងអំពី កិច្ចសហប្រតិបត្តិការមួយចំនួនក្នុងវិស័យវប្បធម៌ដូចជាភាពយន្ត សិល្បៈទស្សនីយភាព ដែលនឹងគ្រោងសហការរួមគ្នានាពេលអនាគត ព្រមទាំងការចូលរួមរបស់តំណាងរដ្ឋកេបិចក្នុងកិច្ចប្រជុំកំពូលហ្រ្វង់កូហ្វូនីឆ្នាំ២០២៦ផងដែរ៕