ក្រសួងពាណិជ្ជកម្មចិន៖ ដាស់តឿនអាមារិកបញ្ឈប់ការអនុវត្តវិធានការពន្ធគយលេខ២៣២នៃ«ច្បាប់ពង្រីកពាណិជ្ជកម្ម»

ចំពោះមាត្រាលេខ២៣២នៃ«ច្បាប់ពង្រីកពាណិជ្ជកម្ម»របស់អាមេរិកស្តីពីការនាំចូលរថយន្តនិងដែកថែបនិងអាលុយមីញ៉ូម ​ព្រមនឹងការស៊ើបអង្កេតចំពោះឱសថនាំចូលដែលយោងតាមមាត្រាលេខ២៣២នៃ«ច្បាប់ពង្រីកពាណិជ្ជកម្ម»​ លោកស្រីHe Yongqian​អ្នកនាំពាក្យក្រសួងពាណិជ្ជកម្មចិនបានថ្លែងនាថ្ងៃទី១៥ខែឧសភាថា ​ទង្វើរបស់ភាគីអាមេរិកគឺទង្វើឯកតោភាគីនិយមនិងគាំពារនិយមសុទ្ធសាធ ​ហេតុនេះភាគីចិនដាស់តឿនឱ្យអាមេរិកបញ្ឈប់ការអនុវត្តវិធានការមាត្រាលេខ២៣២នេះជាបន្ទាន់។

ក្នុងសន្និសិទសារព័ត៌មានប្រចាំនាថ្ងៃដដែល​មានអ្នកសារព័ត៌មានបានសួរថា​ លោកត្រាំ​ប្រធានាធិបតីអាមេរិកអះអាងថា​ការបញ្ចុះពន្ធគយលើកនេះមិនពាក់ព័ន្ធនឹងរថយន្ត​ដែកថែបនិងអាលុយមីញ៉ូម​និងផលិតផលឱសថដែលមានអាចនឹងដំឡើងពន្ធគយ ​តើភាគីចិនមានការវាយតម្លៃដូចម្តេចចំពោះករណីនេះ?

លោកស្រីអ្នកនាំពាក្យរូបនេះបានថ្លែងថា ​ភាគីចិនយល់ឃើញថា​ទង្វើរបស់អាមេរិកគឺទង្វើឯកតោភាគីនិយមនិងគាំពារនិយមសុទ្ធសាធ មិនត្រឹមតែបំផ្លាញដល់ផលប្រយោធន៍របស់ប្រទេសផ្សេងនិងបំផ្លាញដល់ប្រព័ន្ធពាណិជ្ជកម្មពហុភាគីដែលឈរលើមូលដ្ឋាននៃបទប្បញ្ញាត្តិទេ​ ក៏មិនអំណោយដល់ការអភិវឌ្ឍនៃឧស្សាហកម្មរបស់អាមេរិកផងដែរ៕