មេបញ្ជាការ តំបន់ប្រតិបត្តិការសឹករងឧត្តមានជ័យ អប់រំផ្សព្វផ្សាយអំពីព្រឹត្តិការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលលើខែ្សបន្ទាត់ព្រំដែន កម្ពុជា-ថៃ

ឧត្តរមានជ័យ៖ នាព្រឹកថ្ងៃចន្ទ ទី១២ ខែឧសភា ឆ្នាំ២០២៥ ឯកឧត្តម ឧត្តមសេនីយ៍ទោ តន់ ញាន មេបញ្ជាការតំបន់ប្រតិបត្តិការសឹករងឧត្តរមានជ័យ បានអញ្ជើញជាអធិបតី ក្នុងពិធីគោរពទង់ជាតិ ព្រមទាំងមានប្រសាសន៍អប់រំផ្សព្វផ្សាយអំពីព្រឹត្តិការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលលើខែ្សបន្ទាត់ព្រំដែន កម្ពុជា-ថៃ ក្នុងភូមិសាស្រ្តទទួលខុសត្រូវរបស់អង្គភាព ជូនដល់នាយទាហាន នាយទាហានរង និងពលទាហាន នៅក្នុងទីបញ្ជាការ បានទទួលជ្រាប។

ឯកឧត្តម មេបញ្ជាការ បានក្រើនរម្លឹកដល់ នាយ-ពលទាហានទាំងអស់ ត្រូវយកចិត្តទុកដាក់អនុវត្តការងារឱ្យបានម៉ឺងម៉ាត់តាមមុខងារតួនាទីរបស់ខ្លួន ក្នុងភាពទទួលខុសត្រូវខ្ពស់ ត្រូវអនុវត្តឱ្យបានជោគជ័យតាមផែនការកំណត់របស់ថ្នាក់លើ ចូលរួមការងារកសាងអង្គភាព ការងារបង្កបង្កើនផល និងត្រៀមកម្លាំងអន្តរាគមន៍សម្រាប់ថ្នាក់លើ២៤ម៉ោង លើ២៤ម៉ោង សម្រាប់យថាហេតុផ្សេងៗ ជៀសឱ្យឆ្ងាយពីគ្រឿងញឿន និងចូលរួមគោរពច្បាប់ចរាចរណ៍។

ឆ្លៀតក្នុងឱកាសនោះដែរ ឯកឧត្តម មេបញ្ជាការ ក៏បានបើកចែក មុងជ្រលក់ថ្នាំ ជូនដល់នាយ-ពលទាហានទាំងអស់ សម្រាប់ប្រើប្រាស់ ដើម្បីការពារមូសខាំ និងជៀសផុតពីជំងឺដង្កាត់ផ្សេងៗ ដែលបណ្តាលមកពីមូសខាំផងដែរ៕