សម្ព័ន្ធសមាគមសហគ្រាសធុនតូច និងមធ្យមកម្ពុជា រៀបចំសិក្ខាសាលា ស្ដីពីការអភិវឌ្ឍន៍អាជីវកម្ម ក្រោយបរិបទកូវីដ១៩ នៅខេត្តពោធិ៍សាត់

សម្ព័ន្ធសមាគមសហគ្រាសធុនតូច និងមធ្យមកម្ពុជា រៀបចំសិក្ខាសាលា ស្ដីពីការអភិវឌ្ឍន៍អាជីវកម្ម ក្រោយបរិបទកូវីដ១៩ នៅខេត្តពោធិ៍សាត់

សម្ព័ន្ធសមាគមសហគ្រាសធុនតូច និងមធ្យមកម្ពុជា នាថ្ងៃទី២៨ ខែឧសភា ឆ្នាំ២០២៤នេះ បានរៀបចំសិក្ខាសាលា ស្ដីពីការអភិវឌ្ឍន៍អាជីវកម្ម ក្រោយបរិបទកូវីដ១៩ ជូនដល់ម្ចាស់សហគ្រាសធនតូច ធនមធ្យម អ្នកចែកចាយ និងអ្នកបោះដុំ ព្រមទាំងដៃគូពាក់ព័ន្ធ ក្នុងខេត្តពោធិ៍សាត់ ដើម្បីផ្ដល់នូវចំណេះដឹង និងអត្ថប្រយោជន៍ ជូនដល់អ្នកទាំងអស់ ក្នុងការស្វែងយល់ពីរបៀបលក់ផលិតផល ទៅកាន់ទីផ្សារក្នុងស្រុក អំពីដំណើរការនាំចេញ។

ពិធីនេះត្រូវបានធ្វើឡើង នៅសាលប្រជុំក្រុមប្រឹក្សាខេត្ត ក្រោមអធិបតីភាព ឯកឧត្តម ខូយ រីដា អភិបាលខេត្តពោធិ៍សាត់, ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសម្ព័ន្ធ សមាគមសហគ្រាសធុនតូច និងមធ្យមកម្ពុជា និងអ្នកឧកញ៉ា ទុយ គី ប្រធានសភាពាណិជ្ជកម្ម ខេត្តពោធិ៍សាត់ ដោយមានការចូលរួមពីតំណាងសហគ្រាស ម្ចាស់អាជីវកម្ម និងអ្នកពាក់ព័ន្ធជាច្រើនកុះករ។

លោកឧកញ៉ា តែ តាំងប៉ បានជម្រាបជូនថា គោលបំណងនៃសិក្ខាសាលានាថ្ងៃនេះ គឺជាឱកាសមួយដ៏ល្អ សម្រាប់ម្ចាស់សហគ្រាសទាំងអស់ក្នុងខេត្តពោធិ៍សាត់ បានជួបផ្ទាល់ជាមួយធនាគារ និងក្រុមហ៊ុនផ្តល់សេកម្មផ្សេងៗ ដើម្បីបង្ហាញអំពីសេចក្តីត្រូវការរបស់ខ្លួន ទៅកាន់ធនាគារ និងក្រុមហ៊ុនផ្តល់សេវាកម្មទាំងនោះ ឱ្យជួយដោះស្រាយបញ្ហារបស់ពួកគាត់ ក៏ដូចជាឱ្យសម្ព័ន្ធសមាគមសហគ្រាសធុនតូច និងមធ្យមកម្ពុជា បានដឹងអំពីបញ្ហាដែលកើតមានឡើង ក្នុងសហគ្រាសនីមួយៗ យកមកប្រមូលផ្ដុំជាឯកសារ ស្វែងរកវិធីដោះស្រាយ ជូនម្ចាស់សហគ្រាសទាំងអស់នោះ ឱ្យទទួលបានជោគជ័យ ក្នុងអាជីវកម្មរបស់ខ្លួន។

លោកឧកញ៉ា ក៏បានអំពាវនាវដល់ប្រជាពលដ្ឋ ត្រូវរួមកាត់បន្ថយការនាំចូលផលិតផល ពីប្រទេសជិតខាង ដោយនាំគ្នាងាកមកគាំទ្រផលិតផលក្នុងស្រុកវិញ ដើម្បីជួយដល់សហគ្រាសក្នុងស្រុក មានលទ្ធភាពក្នុងការផលិត និងមានប្រាក់ចំណេញ ជាពិសេសបង្កើតការងារជូនប្រជាពលរដ្ឋ ស្របតាមគោលនយោបាយរបស់ រាជរដ្ឋាភិបាល ក្នុងការកាត់បន្ថយភាពក្រីក្រ ជូនប្រជាពលរដ្ឋ។

ឯកឧត្តម ខូយ រីដា បានកោតសសើរជាខ្លាំង ជូនចំពោះ ឧកញ៉ា តែ តាំងប៉, ហ្វាសស្ទិក(FASMEC) ដៃគូសហការមាន មន្ទីរជំនាញ រួមទាំងដៃគូឧបត្ថម្ភទាំងអស់ ដែលបានរួមគ្នាផ្តួចផ្តើមរៀបចំសិក្ខាសាលានេះឡើងដែលបានឱ្យម្ចាស់សហគ្រាស បំពេញនៅកម្រងសំណួរ អង្កេតស្វែងរកបញ្ហាប្រឈម ក្នុងដំណើរការអាជីវកម្ម និងឱ្យម្ចាស់សហគ្រាស បានជួបផ្ទាល់ជាមួយធនាគារ ក្រុមហ៊ុន ផ្តល់សេវាកម្ម ដែលអាចជួបគ្នាផ្ទាល់ ព្រមទាំងលើកឡើងសេចក្តីត្រូវការរបស់ខ្លួន ទៅកាន់ធនាគារ ក្រុមហ៊ុនផ្តល់សេវាកម្ម ឱ្យជួយដោះស្រាយបញ្ហារបស់ពួកគាត់ ក៏ដូចជាឱ្យសម្ព័ន្ធសមាគម សហគ្រាសធុនតូច និងមធ្យមកម្ពុជា បានដឹងអំពីបញ្ហាដែលកើតមានឡើង ក្នុងសហគ្រាសនីមួយៗ យកមកប្រមូលផ្តុំជាឯកសារ និងរកវិធីដោះស្រាយ ជូនម្ចាស់សហគ្រាសរបស់យើង។

ឯកឧត្តម ខូយ រីដា បានគូសបញ្ជាក់ថា វិស័យធុរកិច្ច ពិតជាបានចូលរួមចំណែកយ៉ាងសំខាន់ ក្នុងការលើកកម្ពស់សុខភាព ជីវភាពរស់នៅរបស់ប្រជាពលរដ្ឋ ដែលជាចំណុចសំខាន់មួយ បានធ្វើឱ្យប្រជាពលរដ្ឋយើង មានការងារធ្វើ មានប្រាក់ចំណូលសមរម្យ ដែលនេះជាការចូលរួមចំណែក មួយយ៉ាងសំខាន់ ក្នុងការជួយលើកកម្ពស់សេដ្ឋកិច្ចជាតិ ព្រមទាំងជួយកាត់បន្ថយនូវភាពក្រីក្រ ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ដែលមានសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានកំពុងយកចិត្តទុកដាក់ និងធ្វើការទាក់ទាញវិនិយោគទុន ក្នុងនិងក្រៅប្រទេស ដើម្បីជាឧត្តមប្រយោជន៍ នៃការីកចម្រើន របស់ប្រទេសជាតិ និងប្រជាជនកម្ពុជាទាំងមូល។

ឯកឧត្តមសង្ឃឹមយ៉ាងមុតមាំថា ម្ចាស់សហគ្រាសធុនតូច និងមធ្យម ដែលមានវត្តមាននៅក្នុងអង្គសិក្ខាសាលាថ្ងៃនេះ និងយកចិត្តទុកដាក់ ក្នុងការចូលរួមសកម្មភាពផ្សេងៗ តាមរបៀបវារៈនៃកម្មវិធីនេះ ហើយក្រោយពីបានទទួល ការបណ្តុះបណ្តាលក្នុងកម្មវិធីពេញមួយព្រឹកនេះ ម្ចាស់សហគ្រាសធុនតូច និងមធ្យមទាំងអស់ នឹងទទួលបានចំណេះដឹងថ្មីបន្ថែមទៀត ដើម្បីយកទៅអនុវត្ត និងពង្រឹងសមត្ថភាពរបស់ខ្លួន ដើម្បីអភិវឌ្ឍការងារធុរៈកិច្ច ឱ្យកាន់តែរីកចម្រើន ដល់សហគ្រិនខ្មែរ សមាគមមូលនិធិសម្តេចតេជោបន្ថែមទៀត៕

Related post

ឯកឧត្តមឧបនាយករដ្ឋមន្ត្រី ស សុខា ដឹកនាំកិច្ចប្រជុំពិនិត្យវឌ្ឍនភាព នៃការប្រយុទ្ធប្រឆាំងគ្រឿងញៀនខុសច្បាប់ នៅមូលដ្ឋានខេត្តបាត់ដំបង

ឯកឧត្តមឧបនាយករដ្ឋមន្ត្រី ស សុខា ដឹកនាំកិច្ចប្រជុំពិនិត្យវឌ្ឍនភាព នៃការប្រយុទ្ធប្រឆាំងគ្រឿងញៀនខុសច្បាប់ នៅមូលដ្ឋានខេត្តបាត់ដំបង

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នាថ្ងៃទី២៨ ខែឧសភា ឆ្នាំ២០២៤នេះ អមដំណើរដោយឯកឧត្តម សុខ លូ អភិបាលខេត្តដំបង និងក្រុមចម្រុះបានអញ្ជើញដឹកនាំគណៈប្រតិភូចុះពិនិត្យស្ថានភាពភូមិសាស្ត្រ និងដឹកនាំកិច្ចប្រជុំត្រួតពិនិត្យវឌ្ឍនភាព នៃការប្រយុទ្ធប្រឆាំងគ្រឿងញៀនឆ្លងដែនខុសច្បាប់ នៅខេត្តបាត់ដំបង។ ក្នុងបេសកកម្មនេះ ឯកឧត្តមអភិសន្ដិបណ្ឌិត ស សុខា បើកកិច្ចប្រជុំនៅបញ្ជាការដ្ឋានវរសេនានគរបាលការពារព្រំដែនគោក…
សម្តេចធិបតី ហ៊ុន ម៉ាណែត អនុញ្ញាតឱ្យប្រធានស្ថាបនិក សភាពាណិជ្ជកម្មត្រកូលលីនពិភពលោក ជួបសម្តែងការគួរសម

សម្តេចធិបតី ហ៊ុន ម៉ាណែត អនុញ្ញាតឱ្យប្រធានស្ថាបនិក សភាពាណិជ្ជកម្មត្រកូលលីនពិភពលោក ជួបសម្តែងការគួរសម

នៅរសៀលថ្ងៃអង្គារ ទី២៨ ខែឧសភា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាតឱ្យលោក Tan Sri Dato Lim Soon Peng ប្រធានស្ថាបនិកសភាពាណិជ្ជកម្មត្រកូលលីនពិភពលោក និងគណៈប្រតិភូ ចូលជួប​សម្ដែងការគួរសម និងពិភាក្សាការងារនៅវិមានសន្តិភាព។ សូមបញ្ជាក់ថា សភាពាណិជ្ជកម្មត្រកូលលីនពិភពលោក…
សម្តេចតេជោ ហ៊ុន សែន កោតសរសើរចំពោះការរៀបចំ សមាគមសិល្បករកម្ពុជា ចាប់ពីការបោះឆ្នោតជ្រើសរើសលោកជំទាវអ្នកឧកញ៉ា ម៉ៅ ចំណាន ជាប្រធានថ្មី

សម្តេចតេជោ ហ៊ុន សែន កោតសរសើរចំពោះការរៀបចំ សមាគមសិល្បករកម្ពុជា ចាប់ពីការបោះឆ្នោតជ្រើសរើសលោកជំទាវអ្នកឧកញ៉ា ម៉ៅ ចំណាន ជាប្រធានថ្មី

សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានកោតសរសើរចំពោះការរៀបចំ សមាគមសិល្បករកម្ពុជា ចាប់ពីមានការបោះឆ្នោតជ្រើសរើស លោកជំទាវអ្នកឧកញ៉ា ម៉ៅ ចំណាន ជាប្រធានថ្មី។ ការកោតសរសើរបែបនេះ ធ្វើឡើងក្នុងឱកាសដែលសម្តេច អនុញ្ញាតឱ្យប្រតិភូ សមាគមសិល្បករខ្មែរ ដឹកនាំដោយ លោកជំទាវអ្នកឧកញ៉ា ម៉ៅ ចំណាន ប្រធានសមាគម ចូលជួបសម្តែងការគួរសម…