ធនាគារជាតិនៃកម្ពុជា ជំរុញលើកកម្ពស់បរិយាបន្នហិរញ្ញវត្ថុសម្រាប់ស្រ្ដី និងសហគ្រិនស្ត្រី ដើម្បីពង្រឹងការអភិវឌ្ឍសេដ្ឋកិច្ចក្នុងគ្រួសារ និងអាជីវកម្មរបស់ស្រ្ដី

ធនាគារជាតិនៃកម្ពុជា ជំរុញលើកកម្ពស់បរិយាបន្នហិរញ្ញវត្ថុសម្រាប់ស្រ្ដី និងសហគ្រិនស្ត្រី ដើម្បីពង្រឹងការអភិវឌ្ឍសេដ្ឋកិច្ចក្នុងគ្រួសារ និងអាជីវកម្មរបស់ស្រ្ដី

ធនាគារជាតិនៃកម្ពុជា បានជំរុញឲ្យមានការលើកកម្ពស់បរិយាបន្នហិរញ្ញវត្ថុសម្រាប់ស្រ្ដី និងសហគ្រិនស្ត្រី ដើម្បីពង្រឹងការអភិវឌ្ឍសេដ្ឋកិច្ចក្នុងគ្រួសារ និងអាជីវកម្មរបស់ស្រ្ដី ដើម្បីលរួមជំរុញបន្ថែមដល់ស្ត្រី និងសហគ្រិនស្ត្រី ក្នុងការទទួលបាន និងប្រើប្រាស់សេវាហិរញ្ញវត្ថុផ្លូវការ។

ធនាគារជាតិនៃកម្ពុជា និងក្រសួងកិច្ចការនារី បានចុះអនុស្សរណៈយោគយល់ស្តីពី ការលើកកម្ពស់បរិយាបន្នហិរញ្ញវត្ថុ សម្រាប់ស្ត្រី ដែលមានរយៈពេល៥ឆ្នាំ អនុស្សរណៈនេះរៀបចំឡើងក្រោមការចូលរួមពី លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា និងលោកជំទាវ អ៊ឹង កន្ថាផាវី រដ្ឋមន្រ្ដីក្រសួងកិច្ចការនារី នៅថ្ងៃទី២៧ ខែឧសភា ឆ្នាំ២០២៤នេះ។

លោកជំទាវបណ្ឌិត ជា សិរី បានថ្លែងថា ការចុះអនុស្សរណៈយោគយល់នេះ មានគោលបំណងបង្កើតក្របខ័ណ្ឌ កិច្ចសហប្រតិបត្តិការ ក្នុងការបន្តលើកកម្ពស់បរិយាបន្នហិរញ្ញវត្ថុ សម្រាប់ស្ត្រី និងសហគ្រិនស្ត្រី តាមរយៈការបញ្ជ្រាបចំណេះដឹងផ្នែកហិរញ្ញវត្ថុ និងហិរញ្ញវត្ថុឌីជីថល ការពង្រឹងភាពអង់អាចផ្នែកសេដ្ឋកិច្ច ដោយលើកកម្ពស់ផ្នត់គំនិតវិជ្ជមាន និងការពង្រីកភាពជាដៃគូ ក្នុងការជំរុញបរិយាបន្នហិរញ្ញវត្ថុសម្រាប់ស្ត្រី និងសហគ្រិនស្ត្រី។

លោកជំទាវបណ្ឌិតបានបន្ថែមថា «ការណ៍នេះនឹងចូលរួមជំរុញបន្ថែមដល់ស្ត្រី និងសហគ្រិនស្ត្រី ក្នុងការទទួលបាន និងប្រើប្រាស់សេវាហិរញ្ញវត្ថុផ្លូវការ ព្រមទាំងការទាញយកប្រយោជន៍ពីការប្រើប្រាស់ឌីជីថល ដែលប្រកបដោយភាពទាន់សម័យ ឆ្លាតវៃ និងការទទួលខុសត្រូវ និងការបង្ការហានិភ័យដែលអាចកើតឡើង»។

លោកជំទាវបណ្ឌិតបានបញ្ជាក់ថា បរិយាបន្នហិរញ្ញវត្ថុ ដើរតួនាទីយ៉ាងសំខាន់ ក្នុងការជំរុញកំណើនសេដ្ឋកិច្ច កាត់បន្ថយវិសមភាព និងភាពក្រីក្រនៅកម្ពុជា ជាពិសេសសម្រាប់ស្ត្រីដែលមានចំណូលទាប និងនៅទីជនបទ។ ជាមួយគ្នានេះ ការចូលរួមរបស់ស្ត្រី ក្នុងសកម្មភាពសេដ្ឋកិច្ច និងសង្គម តាមរយៈការទទួលបាន
និងប្រើប្រាស់សេវាហិរញ្ញវត្ថុផ្លូវការ មិនត្រឹមតែជួយជំរុញអាជីវកម្មផ្ទាល់ខ្លួន ថែមទាំងអាចចូលរួមក្នុងការសម្រេចឱ្យបាននូវគោលដៅអភិវឌ្ឍប្រកបដោយចីរភាព។

លោកជំទាវ អ៊ឹង កន្ថាផាវី បានថ្លែងឲ្យដឹងថា ការចុះអនុស្សរណៈនៅថ្ងៃនេះ ពិតជាផ្ដល់នូវអត្ថប្រយោជន៍ជាច្រើន ក្នុងនោះយើងរកឃើញថា សមត្ថភាព និងឌីជីថលជាឧបករណ៍ដ៏សំខាន់ ក្នុងការបង្កើតភាពអង់អាចផ្នែកសេដ្ឋកិច្ច ដល់ស្រ្ដី និងគ្រួសាររបស់ពួកគេ ស្រ្ដី និងក្មេងស្រី កាន់តែមានលទ្ធភាពប្រសើរជាងមុន ក្នុងការរកប្រាក់ចំណូល។

លោកជំទាវបានបន្ដថា ភាពអង់អាចផ្នែកសេដ្ឋកិច្ចនេះ បានធ្វើឲ្យពួកគេមានឥទ្ធផល និងលទ្ធភាពជាវិជ្ជមាន ក្នុងការចូលរួមលើក កម្ពស់សុខមាលភាពផ្ទាល់ខ្លួន និងក្រុមគ្រួសារកាន់តែប្រសើរឡើង៕

Related post

ឯកឧត្តមឧបនាយករដ្ឋមន្ត្រី ស សុខា ដឹកនាំកិច្ចប្រជុំពិនិត្យវឌ្ឍនភាព នៃការប្រយុទ្ធប្រឆាំងគ្រឿងញៀនខុសច្បាប់ នៅមូលដ្ឋានខេត្តបាត់ដំបង

ឯកឧត្តមឧបនាយករដ្ឋមន្ត្រី ស សុខា ដឹកនាំកិច្ចប្រជុំពិនិត្យវឌ្ឍនភាព នៃការប្រយុទ្ធប្រឆាំងគ្រឿងញៀនខុសច្បាប់ នៅមូលដ្ឋានខេត្តបាត់ដំបង

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នាថ្ងៃទី២៨ ខែឧសភា ឆ្នាំ២០២៤នេះ អមដំណើរដោយឯកឧត្តម សុខ លូ អភិបាលខេត្តដំបង និងក្រុមចម្រុះបានអញ្ជើញដឹកនាំគណៈប្រតិភូចុះពិនិត្យស្ថានភាពភូមិសាស្ត្រ និងដឹកនាំកិច្ចប្រជុំត្រួតពិនិត្យវឌ្ឍនភាព នៃការប្រយុទ្ធប្រឆាំងគ្រឿងញៀនឆ្លងដែនខុសច្បាប់ នៅខេត្តបាត់ដំបង។ ក្នុងបេសកកម្មនេះ ឯកឧត្តមអភិសន្ដិបណ្ឌិត ស សុខា បើកកិច្ចប្រជុំនៅបញ្ជាការដ្ឋានវរសេនានគរបាលការពារព្រំដែនគោក…
សម្តេចធិបតី ហ៊ុន ម៉ាណែត អនុញ្ញាតឱ្យប្រធានស្ថាបនិក សភាពាណិជ្ជកម្មត្រកូលលីនពិភពលោក ជួបសម្តែងការគួរសម

សម្តេចធិបតី ហ៊ុន ម៉ាណែត អនុញ្ញាតឱ្យប្រធានស្ថាបនិក សភាពាណិជ្ជកម្មត្រកូលលីនពិភពលោក ជួបសម្តែងការគួរសម

នៅរសៀលថ្ងៃអង្គារ ទី២៨ ខែឧសភា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាតឱ្យលោក Tan Sri Dato Lim Soon Peng ប្រធានស្ថាបនិកសភាពាណិជ្ជកម្មត្រកូលលីនពិភពលោក និងគណៈប្រតិភូ ចូលជួប​សម្ដែងការគួរសម និងពិភាក្សាការងារនៅវិមានសន្តិភាព។ សូមបញ្ជាក់ថា សភាពាណិជ្ជកម្មត្រកូលលីនពិភពលោក…
សម្តេចតេជោ ហ៊ុន សែន កោតសរសើរចំពោះការរៀបចំ សមាគមសិល្បករកម្ពុជា ចាប់ពីការបោះឆ្នោតជ្រើសរើសលោកជំទាវអ្នកឧកញ៉ា ម៉ៅ ចំណាន ជាប្រធានថ្មី

សម្តេចតេជោ ហ៊ុន សែន កោតសរសើរចំពោះការរៀបចំ សមាគមសិល្បករកម្ពុជា ចាប់ពីការបោះឆ្នោតជ្រើសរើសលោកជំទាវអ្នកឧកញ៉ា ម៉ៅ ចំណាន ជាប្រធានថ្មី

សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានកោតសរសើរចំពោះការរៀបចំ សមាគមសិល្បករកម្ពុជា ចាប់ពីមានការបោះឆ្នោតជ្រើសរើស លោកជំទាវអ្នកឧកញ៉ា ម៉ៅ ចំណាន ជាប្រធានថ្មី។ ការកោតសរសើរបែបនេះ ធ្វើឡើងក្នុងឱកាសដែលសម្តេច អនុញ្ញាតឱ្យប្រតិភូ សមាគមសិល្បករខ្មែរ ដឹកនាំដោយ លោកជំទាវអ្នកឧកញ៉ា ម៉ៅ ចំណាន ប្រធានសមាគម ចូលជួបសម្តែងការគួរសម…