តំបន់ប្រតិបត្តិការសឹករងកំពតប្រជុំបូកសរុបលទ្ធផលការងារយោធាសន្តិសុខប្រចាំឆ្នាំ

តំបន់ប្រតិបត្តិការសឹករងកំពតប្រជុំបូកសរុបលទ្ធផលការងារយោធាសន្តិសុខប្រចាំឆ្នាំ
កំពត៖នៅថ្ងៃទី២៨ ខែកុម្ភៈ ឆ្នាំ២០២៤ ឧត្ដមសេនីយ៍ត្រី ហុក ចន្ថា មេបញ្ជាការតំបន់​ប្រតិបត្តិការសឹករងកំពត បានដឹកនាំកិច្ចប្រជុំ​បូកសរុបលទ្ធផលការងារយោធាសន្តិសុខ​ ឆ្នាំ២០២៣​ និងផ្សព្វផ្សាយ​ផែនការណ៍សកម្មភាពការងារយោធាសន្តិសុខ​ ឆ្នាំ​២០២៤​របស់ តំបន់ប្រតិបត្តិការសឹករងកំពត​ ដល់បណ្ដាអង្គភាពចំណុះ ចូលរួមក្នុងនោះដែរ រួមមាន: មេបញ្ជាការរង​ នាយរងសេនាធិការ​ នាយ​ នាយរងការិយាល័យ​ ផ្នែក​ និងមេបញ្ជាការទាំង៩​ ក្រុង​ ស្រុក​ ២វរសេនាតូចដែលចំណុះអោយតំបន់ប្រតិបត្តិការសឹករងកំពត។

របៀបវារៈរួមនៃកិច្ចប្រជុំឧត្ដមសេនីយ៍ត្រី ហុក ចន្ថា បានដាក់បទបញ្ជាដល់បណ្ដាកងឯកភាពចំណុះត្រូវយកចិត្តទុកដាក់គោរពនិងអនុវត្តតាមផែនការកំណែទម្រង់ថ្មីនៃកងយោធពលខេមរ:ភូមិន្ត។

ផ្សព្វផ្សាយអប់រំដល់នាយទាហាន នាយទាហាន ពលទាហាន ឲ្យចៀសឆ្ងាយមិនពាក់ព័ន្ធនិងគ្រឿងញៀន ។ ការពារនូវបូរណភាពទឹកដី គាំទ្រកម្មវិធីនយោបាយ បញ្ចកោណរបស់រាជរដ្ឋាភិបាល ។ និងប្ដេជ្ញាអនុវត្តឲ្យបានដាច់ខាតនូវផែការគោលគំនិតទាំង0៩ចំណុចរបស់ឯកឧត្ដម មេបញ្ជាការ យោធភូមិភាគទី៣ ។

ក្នុងឱកាសនោះដែរ ឧត្ដមសេនីយ៍មេបញ្ជាការបានប្រគល់ជូនសៀវភៅ ច្បាប់ស្ដីពីលក្ខន្តិកៈទូទៅនៃកងយោធពលខេមរៈភូមិន្ទ ដល់បណ្ដាកងឯកភាពចំណុះផងដែរ ៕