លោកមេបញ្ជាការ តំបន់ប្រតិបត្តិការសឹករងឧត្តមានជ័យ មានប្រសាសន៍អប់រំផ្សព្វផ្សាយអំពីព្រឹត្តិការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលលើខែ្សបន្ទាត់ព្រំដែនកម្ពុជា-ថៃ ក្នុងភូមិសាស្រ្តទទួលខុសត្រូវ ជូនដល់នាយ-ពលទាហាន

លោកមេបញ្ជាការ តំបន់ប្រតិបត្តិការសឹករងឧត្តមានជ័យ មានប្រសាសន៍អប់រំផ្សព្វផ្សាយអំពីព្រឹត្តិការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលលើខែ្សបន្ទាត់ព្រំដែនកម្ពុជា-ថៃ ក្នុងភូមិសាស្រ្តទទួលខុសត្រូវ ជូនដល់នាយ-ពលទាហាន

ឧត្តរមានជ័យ៖ នាព្រឹកថ្ងៃទី២៦ ខែកុម្ភៈ ឆ្នាំ២០២៤ លោកឧត្តមសេនីយ៍ទោ តន់ ញាន មេបញ្ជាការ តំបន់ប្រតិបត្តិការសឹករងឧត្តរមានជ័យ មានប្រសាសន៍អប់រំផ្សព្វផ្សាយអំពីព្រឹត្តិការណ៍ថ្មីៗជាតិ-អន្តរជាតិ និងសភាពការណ៍ប្រែប្រួលលើខែ្សបន្ទាត់ព្រំដែន កម្ពុជា-ថៃ ក្នុងភូមិសាស្រ្តទទួលខុសត្រូវរបស់អង្គភាព ជូនដល់នាយទាហាន នាយទាហានរង និងពលទាហាន នៅក្នុងទីបញ្ជាការ បានទទួលជ្រាប។

លោកឧត្តមសេនីយ៍ទោ មេបញ្ជាការ បានក្រើនរម្លឹកដល់ យោធិនក្រោមឱវាទទាំងអស់ ត្រូវគោរព និងអនុវត្តឱ្យបានម៉ឹងម៉ាត់នូវ បទបញ្ជា វិន័យសណ្តាប់ធ្នាប់ តួនាទី-ភារកិច្ចចំពោះមុខ របស់កងយោធពលខេមរភូមិន្ទ ចូលរួមការងារកសាងអង្គភាពរឹងមាំគ្រប់វិស័យ ព្រមទាំងត្រៀមកម្លាំងអន្តរាគមន៍សម្រាប់ថ្នាក់លើ២៤ម៉ោង លើ២៤ម៉ោង សម្រាប់ដោះស្រាយយថាហេតុផ្សេងៗ ឱ្យបានទាន់ពេលវេលា។

លោកឧត្តមសេនីយ៍ទោ មេបញ្ជាការ ក៏បានផ្ដាំផ្ញើឱ្យយោធិនទាំងអស់ ត្រូវជៀសឱ្យឆ្ងាយពីគ្រឿងញៀន ការពារ និងថែរក្សារសុខភាពឱ្យបានល្អ ព្រមទាំងជូនពរសូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕